ONLINE IKASTAROA: GIZA ESKUBIDEEN ETA EMAKUMEENTZAKO BERDINTASUNAREN LABIRINTOA AFRIKAN - VIII EDIZIOA

Ezagutu "Giza eskubideen eta emakumeen berdintasunaren labirintoa Afrikan" ikastaroaren VIII. edizioa! Online prestakuntza-programa honek emakume afrikarren giza eskubideen egoera sakon aztertzera gonbidatzen zaitu, diziplina anitzeko eta ikuspegi kritiko batetik.

Zer ikasiko duzu?

Ikastaroak hainbat arlo tematiko proposatzen ditu, errealitate hori ikuspegi askotatik ulertzeko: ekonomia, historia, ingurumena, eta sexu- eta erreprodukzio-eskubideak. Eduki horien bidez, kontzientzia sortu nahi da emakume afrikarrek aurre egin behar dieten egiturazko eta kulturako erronkei buruz, eta, aldi berean, haien erresistentziak, lorpenak eta gizarte-eraldaketari egiten dizkioten funtsezko ekarpenak aitortu nahi dira.

Online prestakuntza hori honako modulu hauetan egituratzen da:

• I. modulua – Giza eskubideen ikuspegi historikoa eta egiturazkoa Afrikan.
• II. modulua – Giza eskubideak eta genero-berdintasuna Afrikan.
• III. modulua – Saharaz azpiko Afrikako emakumeen historia eta protagonismoa
• IV. modulua – Saharaz azpiko Afrikako emakumeentzako ekonomia feministaren paradigma berri baterantz
• V. modulua – Sexu- eta erreprodukzio-eskubideak Saharaz azpiko Afrikan
• VI. modulua – Afrikako emakumeak ingurumen-krisiaren aurrean: bizipenak eta erresilientzia-sistemak

Metodologia

Ikastaroak 6 modulu ditu guztira. Guztiek dituzte eduki didaktiko propioak, aurkezpen-bideoak eta ebaluazio-testa. Modulu bakoitzeko eztabaida-foro bat prestatuko da, hausnarketa kritikoa sustatzeko eta ikasleen artean iritziak eta esperientziak trukatzeko. Era berean, modulu bakoitzeko, online hitzaldi bat emango da, moduluka planteatutako gai bakoitzean sakontzeko. Hitzaldia plataforman grabatuta eta eskuragarri geratuko da, ondoren bistaratzeko.

Nori zuzentzen da?

Giza Eskubideetan, genero-berdintasunean eta Afrikan interesa duten pertsona guztiak; Giza Eskubideak eta genero-berdintasuna betetzen ikasteko eta aldarrikatzeko borondatea duten gizarte- eta hezkuntza-eragileak.

Xehetasunak eta izen ematea

• Ikastaroaren datak: maiatzaren 5etik ekainaren 15era
• Inskripzio-datak: maiatzaren 1era arte irekita
• Prezioa: 30 €(helburu sozialak)

Ez galdu Afrikako emakumeen eskubideei buruz duzun ikuspegia zabaltzeko aukera. Informazio gehiago eta izen eman nahi baduzu, bisita ezazu:

ONLINE IKASTAROEN PLATAFORMA

Posta: eskolaunibertsala@sol-inter.org/944792258
Antolatzailea: Nazioarteko Elkartasuna – Solidaridad Internacional
Laguntzailea: Donostiako Udala